राप्रपाको नवलपरासी(बसुप) जिल्ला अध्यक्षमा रामभवन यादव र नागार्जुनमा महेश रिमाल निर्वाचित

राजनीति

गृहपृष्ठ
राजनीति
राप्रपाको नवलपरासी(बसुप) जिल्ला अध्यक्षमा रामभवन यादव र नागार्जुनमा महेश रिमाल निर्वाचित

राप्रपाको नवलपरासी(बसुप) जिल्ला अध्यक्षमा रामभवन यादव र नागार्जुनमा महेश रिमाल निर्वाचित

आइतबार, साउन ३१, २०८३ राष्ट्रिय समाचार

राप्रपाको नवलपरासी(बसुप) को जिल्ला अधिवेशनबाट अध्यक्ष पदमा रामभवन यादव निर्वाचित भएका छन्। चारजना उमेदवारको प्रतिस्पर्धा भएकोमा यादव निर्वाचित भएका हुन् । राप्रपा अध्यक्ष राजेन्द्र लिङ्देनले सुनवलमा शनिबार जिल्ला अधिवेशनको उदघाटन गर्नुभएको थियो । यसैगरी, राप्रपाको नागार्जुन नगरपालिका अधिवेशनबाट महेश रिमाल सर्वसम्मत रुपमा अध्यक्ष पदमा निर्वाचित भएका छन् ।

नागार्जुन नगरपालिकाको वडा नं ५ का वडा अध्यक्ष समेत रहेका रिमाल बहालवाला जनप्रतिनिधि समेत हुन्।
रिमाल अघिल्लोपटक पनि सोही वडाको अध्यक्ष रहेका थिए।
राप्रपाले मंसिरको २६, २७ र २८ गते महाधिवेशन गर्ने निर्णय गरिसकेको छ। भदौ मसान्तसम्म सबै स्थानीय तह र जिल्लाको अधिवेशन गर्ने तालिका बनाएको राप्रपाको देशैभर धमाधम अधिवेशनहरु भइरहेको र अधिकांश ठाउॅमा अधिवेशनको मिति तोकेर आवश्यक तयारी भइरहेको प्रवक्ता मोहन श्रेष्ठले जानकारी दिएका छन् ।

प्रकाशित मिति: आइतबार, साउन ३१, २०८३ १८:१६

प्रतिक्रिया दिनुहोस्