सरकारको निर्देशन एकातिर,गृहमन्त्रीको एनजिओ अर्कातिर

राष्ट्रिय

गृहपृष्ठ
राष्ट्रिय
सरकारको निर्देशन एकातिर,गृहमन्त्रीको एनजिओ अर्कातिर

सरकारको निर्देशन एकातिर,गृहमन्त्रीको एनजिओ अर्कातिर

बिहीबार, भदौ ११, २०८३ राष्ट्रिय समाचार

सरकारले एकातिर विपद्का लागि आफूखुशी सहयोग संकलन नगर्न आग्रह गरेको छ । तर सोही निर्णय गर्ने क्याबिनेटका गृहमन्त्री सुधन गुरुङ्ग आवद्ध रहेको संस्था ‘हामी नेपाल’ ले भने बाढी पीडितका नाममा पैसा उठाउन थालेको छ ।

महाराजगञ्जस्थित नबिल बैंकमा रहेको खाताको क्युआर सार्वजनिक गर्दै ‘हामी नेपाल’ ले सहयोग आह्वान गरेको हो । रसुवाको भोटेकोशी र त्रिशुली नदीमा आएको भीषण बाढीका कारण प्रभावित नागरिकलाई खाना,पानी,आवासका निम्ति सहयोग चाहिएकाले रकम उठाइएको संस्थाले जनाएको छ ।

सरकारको निर्देशनविपरीत पैसा उठाएको भन्दै गृहमन्त्री गुरुङ्गको संस्थाउपर सर्वसाधारणले प्रश्न उठाएका छन् । गृहमन्त्री गुरुङ्गको संस्थाले पनि सहयोग आह्वान गरेपछि सर्वसाधारणले ‘सचेत बन्न र सरकारको उद्धार कोषमा मात्र सहयोग गर्न’ भनेका छन् ।
राष्ट्रिय विपद् जोखिम न्यूनिकरण तथा व्यवस्थापन प्राधिकरणले हिजो जारी गरेको सूचनमा सरकारले आह्वान गरेकोबाहेक अन्य संस्थामा सहयोग नगर्न भनिएको छ । ‘नेपाल सरकारले आह्वान गरेबाहेक कुनैपनि संस्था वा व्यक्तिलाई आर्थिक सहयोग नगर्नु, नगराउनु हुनसमेत जानकारी गराउँदछौं’, सूचनामा लेखिएको छ ।

कोही कसैले अनधिकृत रुपमा आर्थिक सहयोग संकलन गरिरहेको जानकारी हुन आए प्राधिकरणको फोन नम्बर ०१–४२१११९७ मा सूचना दिन अनुरोध गरिएको छ ।

प्रकाशित मिति: बिहीबार, भदौ ११, २०८३ १३:३२

प्रतिक्रिया दिनुहोस्