मकवानपुर हुँदै काठमाडौं जाने सडक खण्डमा सवारी चाप बढेपछि जिल्ला प्रशासनको केहि अनुरोध!

समाचार

गृहपृष्ठ
समाचार
मकवानपुर हुँदै काठमाडौं जाने सडक खण्डमा सवारी चाप बढेपछि जिल्ला प्रशासनको केहि अनुरोध!

मकवानपुर हुँदै काठमाडौं जाने सडक खण्डमा सवारी चाप बढेपछि जिल्ला प्रशासनको केहि अनुरोध!

सोमबार, भदौ १५, २०८३ राष्ट्रिय समाचार

पहिरोको कारण पृथ्वी राजमार्ग अवरुद्ध भएर मकवानपुर हुँदै काठमाडौं जाने सडक खण्डमा सवारीसाधनको चाप बढ्न थालेपछि जिल्ला प्रशासन कार्यालय मकवानपुरले निम्न अनुसार गर्न अनुरोध गरेको छ:

१. अत्यावश्यक कामबाहेक काठमाडौँतर्फको यात्रा नगर्न तथा अत्यावश्यक अवस्थामा बाहेक सवारी साधन लिएर यात्रा नगर्न अनुरोध गरिन्छ ।

२. सम्पूर्ण मालबाहक सवारी साधनहरू कान्ति लोकपथ हुँदै काठमाडौँतर्फ आवागमन गर्ने व्यवस्था मिलाउन अनुरोध गरिन्छ ।

३. १४ सिट क्षमताभन्दा ठूला यात्रुवाहक सवारी साधनहरू त्रिभुवन राजपथ हुँदै काठमाडौँतर्फ जाने तथा सोही मार्गबाट फर्कने व्यवस्था मिलाउन अनुरोध गरिन्छ ।

४. १४ सिटसम्म क्षमताका साना यात्रुवाहक सवारी साधनहरू भीमफेदी- देउराली हुँदै काठमाडौँतर्फ जाने तथा आउने व्यवस्था मिलाउन अनुरोध गरिन्छ ।

५. काठमाण्डौबाट त्रिभुवन राजपथ हुँदै हेटौंडातर्फ आउने सबै सवारी साधनहरु राती १ बजे सम्म हेटौंडा पुगिसक्ने र हेटौंडाबाट त्रिभुवनराजपथ हुँदै काठमाण्डौ जाने सवारी साधनहरु राती १ बजे पछि मात्र जाने व्यवस्था गर्न गराउन अनुरोध गरिन्छ ।

६. कुनै पनि राजमार्गमा सवारी चालकहरूले धैर्य एवं अनुशासनपूर्वक आफ्नो पालोमा मात्र सवारी सञ्चालन गर्ने, ओभरटेक नगर्ने तथा ट्राफिक व्यवस्थापनमा खटिएका सुरक्षाकर्मी/ट्राफिक प्रहरीको निर्देशन पूर्ण रूपमा पालना गर्ने व्यवस्था मिलाउन अनुरोध गरिन्छ ।

प्रकाशित मिति: सोमबार, भदौ १५, २०८३ १४:११

प्रतिक्रिया दिनुहोस्