गोकर्णेश्वरका नगर प्रमुख दीपककुमार रिसाल एशिया ग्लोबल एक्सिलेन्स अवार्डबाट सम्मानित

समाचार

गृहपृष्ठ
समाचार
गोकर्णेश्वरका नगर प्रमुख दीपककुमार रिसाल एशिया ग्लोबल एक्सिलेन्स अवार्डबाट सम्मानित

गोकर्णेश्वरका नगर प्रमुख दीपककुमार रिसाल एशिया ग्लोबल एक्सिलेन्स अवार्डबाट सम्मानित

सोमबार, भदौ १, २०८३ राष्ट्रिय समाचार

गोकर्णेश्वर नगरपालिकाका नगर प्रमुख दीपककुमार रिसाललाई शिक्षा तथा स्वास्थ्य क्षेत्रमा पुयाएको योगदानका लागि थाइल्यान्डको पटायास्थित सियामिज होटलमा अगस्ट १० मा आयोजित ‘नेपाल–थाइल्यान्ड मैत्री महोत्सव’ तथा ‘एशिया ग्लोबल एक्सिलेन्स अवार्ड २०२६’ समारोहमा नगर प्रमुख रिसाललाई उत्कृष्ट ‘एशिया ग्लोबल एक्सिलेन्स अवार्ड २०२६’ बाट सम्मान गरिएको छ।

शिक्षा तथा स्वास्थ्य क्षेत्रमा नेतृत्वदायी भूमिका निर्वाह गर्दै समाजमा उल्लेखनीय योगदान पुर्याएको, व्यावसायिक उत्कृष्टता कायम गरेको तथा समर्पित सेवामार्फत समुदायमा सकारात्मक प्रभाव पारेको भन्दै उनलाई सम्मान प्रदान गरिएको प्रमाणपत्रमा उल्लेख गरिएको छ।

विश्वव्यापी उत्पादन सञ्चार प्रालि र हिमालयन सामुदायिक परियोजनाको संयुक्त आयोजनामा भएको कार्यक्रममा विभिन्न क्षेत्रमा उल्लेखनीय योगदान पुर्याउने व्यक्तित्वहरूलाई सम्मान गरिएको थियो।

नगर प्रमुख रिसालले गोकर्णेश्वर नगरपालिकामा शिक्षा र स्वास्थ्यलाई प्राथमिकतामा राख्दै विभिन्न कार्यक्रम तथा सेवाहरू सञ्चालन गर्दै आएका छन्। नगरपालिकाले पछिल्लो समय स्वास्थ्य सेवा विस्तार,स्वास्थ्य बीमा, अस्पताल सेवा सुधार तथा शिक्षातर्फ छात्रवृत्तिलगायतका कार्यक्रमलाई प्राथमिकता दिँदै आएको छ।

रिसाललाई प्रदान गरिएको उक्त सम्मानले स्थानीय तहबाट शिक्षा तथा स्वास्थ्य क्षेत्रमा भइरहेका प्रयासलाई अन्तर्राष्ट्रियस्तरमा समेत पहिचान दिलाएको छ र उनको योगदानलाई पहिचान पनि गरेको छ ।

प्रकाशित मिति: सोमबार, भदौ १, २०८३ १४:०९

प्रतिक्रिया दिनुहोस्