२० वर्षे सेवा अवधि घटाएर १६ वर्ष कायम गर्न नेपाल प्रहरीको माग !

समाचार

गृहपृष्ठ
समाचार
२० वर्षे सेवा अवधि घटाएर १६ वर्ष कायम गर्न नेपाल प्रहरीको माग !

२० वर्षे सेवा अवधि घटाएर १६ वर्ष कायम गर्न नेपाल प्रहरीको माग !

मंगलबार, साउन २६, २०८३ राष्ट्रिय समाचार

नेपाल प्रहरीका तल्लो तहका कर्मचारीले १६ वर्ष सेवा पूरा गरेपछि पेन्सनसहित ऐच्छिक अवकाश लिन पाउने व्यवस्था लागू गर्न माग गरेका छन्। जवानदेखि वरिष्ठ हवल्दारसम्म विभिन्न समयमा उठाउँदै आएको उक्त माग प्रहरी ऐन तथा नियमावली संशोधनमार्फत सम्बोधन हुनुपर्ने र तत्काल कानुनी रूपमा सम्बोधन गरी कार्यान्वयनमा ल्याउन सरकारसँग उनीहरूले आग्रह गरेका छन्।

उनीहरूले सरकारसंग १६ वर्षे पेन्सनको विषयमा पटक–पटक छलफल र आश्वासन पाए पनि कार्यन्वयन नभएको बताए । तल्लो तहबाट अन्य पद (पदोन्नति) को सम्भावना र मौका कम रहेको उनीहरुले जानकारी दिए l

हालको व्यवस्थाअनुसार पेन्सन सुविधासहित ऐच्छिक अवकाश लिन २० वर्ष सेवा अवधि पूरा गर्नुपर्ने व्यवस्था रहेको छ l २० वर्ष नपुग्दै सेवा छाड्दा पेन्सन सुविधा नपाइने भएकाले कतिपय कर्मचारी बीचमै राजीनामा दिनुपर्ने अवस्था आउने उनीहरूको भनाइ छ। पेन्सन सुविधाबिना जागिर छोड्दा वर्षौको मिहेनतको प्रतिफल नआउने उनीहरुको गुनासो छ l

तल्लो तहका प्रहरी कर्मचारीहरु २४ घण्टा ड्युटीमा खटिनुपर्ने, लामो समयसम्म कठिन र जोखिमपूर्ण जिम्मेवारी निर्वाह गर्नुपर्ने भएकाले १६ वर्ष सेवा पूरा गरेपछि सम्मानजनक रूपमा अवकाश लिन पाउने व्यवस्था आवश्यक रहेको उनीहरूको भनाई छ।

उनीहरूले १६ वर्षे पेन्सनसम्बन्धी मागलाई तत्काल कानुनी रूपमा सम्बोधन गरी कार्यान्वयनमा ल्याउन सरकारसँग आग्रह गरेका छन्।

१६ वर्षे ऐच्छिक अवकाशको व्यवस्था लागू भए नयाँ जनशक्तिका लागि पनि सहजै अवसर सिर्जना हुने उनीहरूको दाबी रहेको छ।

प्रकाशित मिति: मंगलबार, साउन २६, २०८३ १३:१०

प्रतिक्रिया दिनुहोस्