पद्मश्री साहित्य पुरस्कारको प्रारम्भिक सूची सार्वजनिक, १५ कृति उत्कृष्टताको दौडमा

मुख्य समाचार

गृहपृष्ठ
मुख्य समाचार
पद्मश्री साहित्य पुरस्कारको प्रारम्भिक सूची सार्वजनिक, १५ कृति उत्कृष्टताको दौडमा

पद्मश्री साहित्य पुरस्कार पद्मश्री साहित्य पुरस्कारको प्रारम्भिक सूची सार्वजनिक, १५ कृति उत्कृष्टताको दौडमा

आइतबार, असार १५, २०८२ राष्ट्रिय समाचार

काठमाडौँ । नेपाली साहित्यमा प्रतिष्ठित मानिने पद्मश्री साहित्य पुरस्कारका लागि यस वर्षको प्रारम्भिक सूची सार्वजनिक गरिएको छ। खेमलाल हरिकला लामिछाने समाज कल्याण प्रतिष्ठानले २०८१ सालमा प्रकाशित २०३ वटा साहित्यिक कृति मध्येबाट १५ उत्कृष्ट कृतिलाई प्रारम्भिक सूचीमा छनोट गरेको हो।

प्रतिष्ठानका अनुसार प्रारम्भिक सूचीमा परेका कृति साहित्यका विभिन्न विधा समेट्ने छन् — उपन्यास, कविता, आख्यान, कथा संग्रह, नियात्रा, संस्मरण र गैह्र आख्यान। यिनै १५ कृति मध्यबाट पाँच उत्कृष्ट कृतिलाई आगामी महिना संक्षिप्त सूचीमा ल्याइने र अन्ततः एउटालाई पद्मश्री साहित्य पुरस्कार २०८१ प्रदान गरिनेछ।

खेमलाल हरिकला लामिछाने समाज कल्याण प्रतिष्ठानले पद्मश्री साहित्य पुरस्कारमार्फत नेपाली साहित्यमा उल्लेखनीय योगदान गर्ने कृतिहरूलाई हरेक वर्ष सम्मान गर्दै आएको छ। पुरस्कारका लागि हुने प्रतिस्पर्धा र छनोट प्रक्रिया पारदर्शी, विधिवत् समीक्षा र बहसका आधारमा गरिने प्रतिष्ठानले जनाएको छ।

यस वर्ष प्रारम्भिक सूचीमा समेटिएका विविध विधाका कृतिहरूले समकालीन नेपाली साहित्यको समृद्धि र बहुआयामिक स्वरूपलाई उजागर गर्ने अपेक्षा गरिएको छ। साहित्यिक वृत्तमा चर्चित र नयाँ दुवै पुस्ताका लेखकहरू सूचीमा समेटिनुले यो वर्षको पुरस्कार प्रतिस्पर्धा झनै रोमाञ्चक बन्ने संकेत दिएको छ।