चीन सरकारद्वारा बाढीपीडितका लागि दुई कार्गो विमानसँगै नेपाललाई २० लाख डलर सहयोग पठाउँदै

मुख्य समाचार

गृहपृष्ठ
मुख्य समाचार
चीन सरकारद्वारा बाढीपीडितका लागि दुई कार्गो विमानसँगै नेपाललाई २० लाख डलर सहयोग पठाउँदै

चीन सरकारद्वारा बाढीपीडितका लागि दुई कार्गो विमानसँगै नेपाललाई २० लाख डलर सहयोग पठाउँदै

शनिबार, भदौ १३, २०८३ राष्ट्रिय समाचार

काठमाडौं । चीनले बाढी तथा पहिरो प्रभावितको उद्धार, राहत तथा पुनःस्थापनाका लागि नेपाललाई २० लाख अमेरिकी डलर नगद सहयोग उपलब्ध गराउने भएको छ।

परराष्ट्रमन्त्री शिशिर खनालका अनुसार चीनले राहत सामग्री बोकेका दुईवटा कार्गो विमानसँगै नेपाल सरकारलाई २० लाख अमेरिकी डलर नगद सहयोग पठाउन लागेको हो।

त्यस्तै, चीनले सुरुङसम्बन्धी प्राविधिक विज्ञहरूको दुईवटा टोलीसमेत नेपाल पठाउने तयारी गरेको मन्त्री खनालले जानकारी दिएका छन्। विज्ञ टोलीले बाढी तथा पहिरोबाट प्रभावित सुरुङ तथा अन्य संरचनाको अवस्था अध्ययन गरी आवश्यक प्राविधिक सहयोग उपलब्ध गराउनेछ।

भोटेकोशी क्षेत्रमा आएको विनाशकारी बाढीपछि चीन, भारतलगायत विभिन्न मित्रराष्ट्र तथा अन्तर्राष्ट्रिय निकायले नेपाललाई उद्धार तथा राहतका लागि सहयोग उपलब्ध गराउने प्रतिबद्धता जनाएका छन्। चीन र भारतले राहत सामग्री तथा आर्थिक सहयोग उपलब्ध गराउने भएका छन्। (Reuters⁠)

सरकारले प्राप्त हुने अन्तर्राष्ट्रिय सहयोगलाई बाढी तथा पहिरो प्रभावित क्षेत्रमा उद्धार, राहत तथा पुनःस्थापनाका लागि प्रभावकारी रूपमा परिचालन गर्ने जनाएको छ।

प्रकाशित मिति: शनिबार, भदौ १३, २०८३ १३:२०

प्रतिक्रिया दिनुहोस्