तालबेसी फाँटको अनौठो रुखको ठुटो हेर्नेको भीड, निरन्तर झरिरहेछ पानीको धारा

मुख्य समाचार

गृहपृष्ठ
मुख्य समाचार
तालबेसी फाँटको अनौठो रुखको ठुटो हेर्नेको भीड, निरन्तर झरिरहेछ पानीको धारा

तालबेसी फाँटको अनौठो रुखको ठुटो हेर्नेको भीड, निरन्तर झरिरहेछ पानीको धारा

आइतबार, चैत २४, २०८१ राष्ट्रिय समाचार

गण्डकी कास्कीको रुपा गाउँपालिका–६ तालबेसी फाँटमा करिब तीन मिटर उचाइमा रहेको एउटा रूखको ठुटोबाट निरन्तर पानी झर्न थालेपछि हेर्न आउनेहरूको भीड । तस्बिरः रासस ।

पोखरा । गण्डकी कास्कीको रुपा गाउँपालिका–६ तालबेसी फाँटमा करिब तीन मिटर उचाइमा रहेको एउटा रूखको ठुटोबाट निरन्तर पानी झर्न थालेपछि हेर्न आउनेहरूको भीड लागेको छ। फागुन १४ शिवरात्रिको दिनदेखि रुखको ढुटाबाट निरन्तर धारा जसरी पानी झरिरहेको छ।

रुपातालको बाँध निर्माण गरी तालको क्षेत्रफललाई विस्तारका लागि माटो निकाल्ने क्रममा अचानक डोजरको वकेट अड्किएकोपछि रुखको ठुटो निस्किएको थियो। चैत १९ मा त्यहाँ रुद्री पूजासहित विभिन्न क्षेत्रका धामी झाँक्री राखिएको थियो।

पछिल्लो समय दैनिक सात सयदेखि एक हजारसम्म त्यहाँ पुग्ने गरेका छन्। अहिले रुपा गाउँपालिका र पोखरा–३१ ले ठुटोलाई तारवारले घरेका छन्।

विभिन्न क्षेत्रका १५ जना भूगर्भविद् र संस्कृतिविज्ञ आएर स्थलगत अध्ययन गरेका थिए। तर कारण खुलेन। उनीहरूले रूख लगभग दुई सय वर्ष पुरानो जामुनको भएको अनुमान गरेको रुपा गाउँपालिकाका अध्यक्ष नवराज ओझाले बताए।
रासस

प्रकाशित मिति: आइतबार, चैत २४, २०८१ ०६:१५