मुलुकको घाटा निरन्तर चुलिँदो

अर्थ

गृहपृष्ठ
अर्थ
मुलुकको घाटा निरन्तर चुलिँदो

मुलुकको घाटा निरन्तर चुलिँदो

सोमबार, चैत ५, २०७४ राष्ट्रिय समाचार

IMG_20180319_082601

तीन महिनायता लगातार ऋणात्मक रहेको मुलुकको शोधान्तर घाटा गत माघमा सवा १८ अर्ब रुपैयाँ पुगेको छ । आयातमा भएको उच्च वृद्धि, घट्दो रेमिट्यान्स आप्रवाह र विदेशी लगानीको लाभांश भुक्तानीमा भएको उच्च वृद्धिलगायत कारण गत माघमा शोधनान्तर स्थिति ठूलो रकमले घाटामा गएको कान्तिपुर दैनिकमा समाचार छ ।

समाचार अनुसार चुलिँदो शोधनान्तर घाटाले समग्र अर्थव्यवस्थामा नकारात्मक असर पर्ने विज्ञहरुले बताउँदै आएका छन् ।

शोधनान्तरले मुलुक भित्रिने र बाहिरिने रकमबीचको अवस्था देखाउँछ । बाहिरिनेभन्दा भित्रिने रकम बढी भएमा शोधनान्तर बचतमा हुन्छ । भित्रनेभन्दा बाहिरिने रकम बढी भएमा शोधनान्तर स्थिति घाटामा हुन्छ ।

यता, नागरिक दैनिकले मुलुकको चालु खाता घाटा एक महिनामै दोब्बर भएको जनाएको छ । ६ महिनासम्म करिब ७५ अर्ब रुपैयाँ रहेको चालु खाता घाटा सातौं महिना पूरा हुँदा एक खर्ब ४१ अर्ब रुपैयाँ पुगेको छ ।

नागरिक दैनिकका अनुसार आर्थिक वर्षको सुरुदेखि नै घाटामा रहँदै आएको चालु खातामा एकै महिनामा ६६ अर्ब रुपैयाँ घाटा थपिएको राष्ट्र बैंकले जनाएको छ ।

प्रकाशित मिति: सोमबार, चैत ५, २०७४ ०८:२९

प्रतिक्रिया दिनुहोस्