नख्खु कारागारमा रहेका रास्वपा सभापति रवि लामिछानेलाई स्वास्थ्य समस्या, जन्डिसको आशंका

मुख्य समाचार

गृहपृष्ठ
मुख्य समाचार
नख्खु कारागारमा रहेका रास्वपा सभापति रवि लामिछानेलाई स्वास्थ्य समस्या, जन्डिसको आशंका

नख्खु कारागारमा रहेका रास्वपा सभापति रवि लामिछानेलाई स्वास्थ्य समस्या, जन्डिसको आशंका

सोमबार, भदौ २, २०८२ राष्ट्रिय समाचार

फाइल तस्बिर ।

ललितपुर। सहकारी प्रकरणमा पुर्पक्षका लागि थुनामा रहेका राष्ट्रिय स्वतन्त्र पार्टी (रास्वपा) का सभापति तथा पूर्वउपप्रधानमन्त्री रवि लामिछानेको स्वास्थ्यमा समस्या देखिएको छ।

पार्टीका उपसभापति डिपी अर्याल (डोलप्रसाद) सोमबार दिउँसो नख्खु कारागार पुगेर सभापति लामिछानेलाई भेटेपछि स्वास्थ्यमा समस्या देखिएको बताएका हुन्। ‘सभापतिलाई नख्खु ल्याउँदा म भारतको हैदरावादमा थिएँ। आज बिहान मात्रै काठमाडौं आएँ र तुरुन्तै भेट्न आएँ। उहाँको स्वास्थ्यमा केही समस्या देखिएको छ,’ अर्यालले राष्ट्रिय समाचार डटकमसँग भने।

कारागार स्रोतका अनुसार लामिछानेलाई जन्डिस (कमलपित्त)को आशंका गरिएको छ। सोही आशंका पुष्टि गर्न उनका रगतका नमूना वीर अस्पतालमा परीक्षणका लागि पठाइएको बताइएको छ।

‘उहाँलाई जन्डिसको आशंका गरिएको छ। त्यसैले रक्त परीक्षणको लागि नमूना वीर अस्पताल लगिएको हो,’ कारागार स्रोतले जानकारी दियो।

गत शनिबार रूपन्देही कारागारबाट ललितपुरस्थित नख्खु कारागार सारिएका लामिछानेलाई हाल स्वास्थ्य परीक्षण र उपचारका लागि चिकित्सकको निगरानीमा राखिएको छ।

उनको स्वास्थ्य बिग्रँदै गएको समाचारले नख्खु कारागार परिसरमा सुरक्षाकर्मी, पार्टी कार्यकर्ता र समर्थकमाझ चासो र चिन्ता बढेको छ।

प्रकाशित मिति: सोमबार, भदौ २, २०८२ १७:०७