इन्डिया र पाकिस्तानविच जम्मु पठानकोटमा दोहोरो आक्रमण

अन्तर्राष्ट्रिय

गृहपृष्ठ
अन्तर्राष्ट्रिय
इन्डिया र पाकिस्तानविच जम्मु पठानकोटमा दोहोरो आक्रमण

इन्डिया र पाकिस्तानविच जम्मु पठानकोटमा दोहोरो आक्रमण

शुक्रबार, वैशाख २६, २०८२ एजेन्सी

काठमाडौँ । वैशाख २५ गते । इन्डिया र पाकिस्तान सुरक्षाकर्मीविच जम्मु, पठानकोट र ऊधमपुरमा दोहोरो भिडन्त भएको छ । इन्डियन गृहमन्त्रालयले दिएको जानकारी अनुसार पाकिस्तानको तर्फबाट सो क्षेत्रमा ड्रोन र मिसाइल आक्रमण भएपछि इन्डियाले जवाफी आक्रमण गरेको छ ।

पाकिस्तानी आक्रमणले इन्डियामा खासै नोक्सान नभएको गृहमन्त्रालयका अधिकारीहरुको भनाइ छ । बिबिसीका अनुसार पाकिस्तानी आक्रमणपछि इन्डियन ठुलो क्षेत्रमा अँध्यारो छाएको छ । इन्डियाले सो क्षेत्रमा व्यालकआउट गरेको छ ।

पछिल्लो केही घण्टामा दोहोरो भिडन्तमा केही मानिस हाताहात भएको दावी गरिएको छ । तर दुवै पक्षले आफ्नो तर्फ मानवीय क्षति नभएको दावी गरेका छन् । इन्डियन सेनाले दिएको सूचनाका अनुसार जम्मू, पठानकोट र ऊधमपुरको मिलिट्री क्याम्पमा पाकिस्तानी सुरक्षाकर्मीले मिसाइल र ड्रोन हमला गरेका छन् । इन्डियाले सो आक्रमणलाई निस्तेज गरेको दावी गरेको छ ।

सो क्षेत्रमा दोहोरो आक्रमणको संकेत पाएपछि केही स्थानीय आज दिउँसो नै सुरक्षित स्थानतिर गएको भारतीय मिडियाले जानकारी गराएका छन् । आज राति पौने ९ बजेको समयमा पाकिस्तानले इन्डियन भूमिमा एकसाथ हमला गरेपछि ठुलो धमाकाको आवाज आएको स्थानीयले जनाएका छन्

प्रकाशित मिति: शुक्रबार, वैशाख २६, २०८२ ०३:२२