अन्तिम खेलमा सुदूरपश्चिमद्वारा कर्णाली ६ विकेटले पराजित

खेलकुद

गृहपृष्ठ
खेलकुद
अन्तिम खेलमा सुदूरपश्चिमद्वारा कर्णाली ६ विकेटले पराजित

नेपाल प्रिमियर लिग अन्तिम खेलमा सुदूरपश्चिमद्वारा कर्णाली ६ विकेटले पराजित

सोमबार, पुस १, २०८१ राष्ट्रिय समाचार

काठमाडौँ । नेपाल प्रिमियर लिग एनपीएलको अन्तिम खेलमा सुदूरपश्चिम रोयल्स कर्णाली याक्सलाई ६ विकेटले हराएको छ ।

यो खेलसँगै प्लेअफको समीकरण तय भएको छ। अब सुदूरपश्चिम र जनकपुरले एनपीएलको पहिलो क्वालिफायर खेल्ने भएका छन् ।

यस्तै चितवन राइनोज र कर्णाली याक्सले एलिमिनेटर खेल्ने भएका छन् ।

लिग चरणको खेलपछि सुदूरपश्चिम ७ खेलबाट १२ अंक जोडेर शीर्ष स्थानमा रह्यो ।

समान खेलबाट १० अङ्क जोडेर जनकपुर दोस्रो भयो । सुदूरसँग पराजित भएपनि कर्णाली चौथो हुँदै प्लेअफ पुगेको हो ।

चितवनले यसअघि नै ७ खेलबाट ८ अङ्क जोडेर प्लेअफ पुगिसकेको छ ।

लिगको अन्तिम खेलमा टस हारेर पहिले ब्याटिङ गरेको कर्णालीले २० ओभरमा सबै विकेट गुमाएर १०१ रन बनाएको थियो ।

जवाफमा सुदूरपश्चिमले १५.२ ओभर खेल्दै ४ विकेट गुमाएर १०५ रन बनाउँदै लक्ष्य पूरा गरेको हो । सुदूरपश्चिमका लागि कप्तान दीपेन्द्र सिंह ऐरीले सर्वाधिक ३८ रन बनाउदा इशान पाण्डेले अविजित रहँदै ३८ रन नै बनाए ।

प्रकाशित मिति: सोमबार, पुस १, २०८१ १२:५१

प्रतिक्रिया दिनुहोस्