भक्तपुरमा राउटेले बनाएका काठका सामग्रीको प्रर्दशनी

ताजा समाचार

गृहपृष्ठ
ताजा समाचार
भक्तपुरमा राउटेले बनाएका काठका सामग्रीको प्रर्दशनी

भक्तपुरमा राउटेले बनाएका काठका सामग्रीको प्रर्दशनी

शुक्रबार, असोज १०, २०७६ राष्ट्रिय समाचार

rautey

भक्तपुर, असोज १० गते । राउटे समुदायले बनाएका काठका सामाग्री भक्तपुरको पाँच तले मन्दिर अगाडि प्रदर्शनीमा राखिएको छ । शुक्रवार र शनिवार दुई दिनसम्म चल्ने उक्त प्रर्दशनीमा राखिएका सामाग्री राउटे समुदायले एउटै हतियार बोसिलाले बनाएका हुन् । घरयासी प्रयोगमा आउने काठबाट निर्मित सानो गोलो पिर्का, बिर्को भएको कोशि ( हटकेश) सानो मधुस ( कन्तुर) , बाँकस, रोटी बेल्ने चकला, डाडु, पन्यु लगायतका सामाग्री प्रर्दशनीमा राखिएका हुन् । प्रति सामग्रीको मूल्य ८०० देखि चार हजार रूपियाँसम्म निर्धारण गरिएको छ । उक्त सामानमा फलामको किला प्रयोग गरिएको छैन् । दैलेखकको गुराँस गाउँपालिकाका प्रकाश कलियाल, शिवराज शाही, दीपक शाही र कलम शाहीले सिसौका काठबाट बनाएका विभिन्न हाते सामाग्री प्रदर्शनीमा राखिएको हुन् । मानवीय आस्था नेपाल र समाज विकास केन्द्र नामक संस्थाले उहाँहरुलाई भक्तपुरमा ल्याउनका लागि आवश्यक सहयोग गरेको मानवीय आस्था नेपालका परियोजना संयोजक जयराम वाग्लेले जानकारी दिनुभयो । राउटेले प्रर्दशनीमा राखिएको सामाग्री खरिद गर्दै सांसद महेश बस्नेलते राउटे समुदायलाई समाजमा घुलमिल गराउनका लागि उहाँहरूले बनाएको सामाग्री प्रर्दशनीमा राख्ने व्यवस्था मिलाइएको बताउनुभयो । उहाँले अब राउटे समुदाय वन जङ्गलमा मात्र नभइ नेपाली समाजमा घुलमिल भइ उहाँहरूको आर्थिक र सामाजिक रूपान्तरण हुनुपर्नेमा जोड दिनुभयो । उक्त चार जना राउटे टोलीका प्रमुख प्रकाश कलियालले दसैंका लागि खर्चको जोहो गर्नका लागि आफूले बनाएको सामाग्री प्रर्दशनीमा राख्न भक्तपुर आएको जानकारी दिनुभयो । दुई दिनसम्ममा सबै सामान विक्री गरी पुनः दैलेख नै फर्कने आफूहरुको सोच रहेको उहाँको भनाइ छ ।

प्रकाशित मिति: शुक्रबार, असोज १०, २०७६ १७:३२

प्रतिक्रिया दिनुहोस्